Convivencia, Coidados e Educación emocional

O proxecto E se chove que chova: bo trato na convivencia escolar está dirixido ao profesorado do sistema público de ensino e céntrase en ofrecer unha formación práctica e vivencial en coeducación e metodoloxía da provención para a transformación positiva de conflitos. A través de dinámicas participativas, xogos e técnicas vivenciais, proporciónanse ferramentas que permiten acompañar ao alumnado no desenvolvemento de competencias emocionais e sociais: recoñecer, comprender e expresar emocións, mellorar a empatía, a escoita activa e o bo trato, así como fortalecer a capacidade de relación e convivencia. O enfoque fomenta a resolución pacífica de conflitos e promove unha cultura de paz aplicable a diferentes contextos educativos, capacitando ao profesorado para actuar como referentes na creación de espazos máis igualitarios, respectuosos e saudables.

O proxecto “Unha sociedade de coidados! Teatro dxs Oprimidxs para o Botrato” consiste nunha formación de 8 horas enmarcada dentro da iniciativa da ONG Intered Galicia, orientada a repensar as relacións afectivo-sexuais e emocionais. A proposta utiliza as ferramentas do Teatro das Oprimidas para identificar roles de poder, reflexionar sobre as violencias machistas e experimentar alternativas coeducativas que fomenten o bo trato e o respecto nas relacións humanas e de grupo. Durante a formación, o alumnado participou en dinámicas prácticas que combinaron reflexión, dramatización e análise, promovendo aprendizaxes vivenciais que potencian a sensibilización e a acción positiva no seu contorno.

O proxecto “(Des)equilibristas: proposta socioeducativa para traballar a saúde dende unha perspectiva global” é unha iniciativa de formación socioeducativa destinada ao profesorado, orientada a promover unha visión integral da saúde. O proxecto materializouse na creación dunha unidade didáctica e dun conxunto de recursos formativos, acompañados dun servizo técnico de seguimento e asesoramento para apoiar o profesorado na súa posta en práctica nos centros educativos.

A proposta entende a saúde como unha viaxe que abrangue diferentes dimensións interconectadas: alimentación, medio ambiente, emocións, relacións veciñais, comunidade e tempos de lecer. Con esta mirada global, o proxecto busca ofrecer ferramentas que axuden a mellorar o benestar individual e colectivo.

No contexto da COVID-19, “(Des)equilibristas” foi adaptado especificamente ao traballo educativo en aulas, elaborándose 5 cartillas e varios itinerarios guiados para que o profesorado poida desenvolver con facilidade actividades co alumnado en torno ás distintas temáticas.

O proxecto insírese nas áreas de educación ambiental, educación social e igualdade, ofrecendo un enfoque transversal e transformador.

Este proxecto nace co propósito de implicar as familias na construción dunha cultura de igualdade e bo trato, ofrecendo un espazo común de aprendizaxe e reflexión.

Nunha primeira fase, nais, pais e crianzas participan xuntas nun obradoiro práctico, experimentando ferramentas e prácticas coeducativas que favorecen relacións máis igualitarias e respectuosas. Posteriormente, o grupo divídese:

• As persoas adultas traballan nun espazo propio, reflexionando sobre as súas experiencias, explorando conceptos teóricos e resolvendo dúbidas arredor da coeducación, a educación sexual integral e o bo trato.
• As crianzas continúan a través de xogos e dinámicas entre iguais, reforzando vínculos positivos e interiorizando a importancia do bo trato nas súas relacións.

Dirixido á comunidade familiar, este proxecto promove a participación cidadá desde a base educativa, reforzando o papel das familias como axentes clave na transmisión de valores de igualdade e convivencia.

Este programa socioeducativo está pensado para centros que queren mellorar o clima escolar e favorecer relacións máis igualitarias e respectuosas.

iríxese a alumnado de todas as etapas, desde Infantil ata Formación Profesional, e busca fortalecer a convivencia a través do xogo, da educación emocional e de dinámicas participativas.

Nos obradoiros trabállanse cuestións tan importantes como a cohesión do grupo, a autoestima, a confianza ou a resolución pacífica de conflitos. O alumnado aprende a escoitar e a ser escoitado, a colaborar, a compartir responsabilidades e a construír relacións máis xustas.

Son actividades que se poden desenvolver como intervencións puntuais para atender necesidades concretas ou como procesos máis longos, acompañando ao grupo nun camiño de cambio cara a unha auténtica cultura do bo trato.

Entre 2021 e 2025 realizamos este proxecto en numerosos centros educativos de Galicia, en mais de 20 concellos como Pontevedra, Santiago de Compostela, Ribeira, Arzúa, Santa Comba ou Brión. A experiencia demostrou que, tras estas intervencións, mellora a cohesión e o ambiente da aula, redúcense os conflitos e o alumnado gaña ferramentas para afrontar os retos da convivencia escolar.

É unha proposta especialmente indicada para institutos, colexios, ANPAS ou asociacións que queiran dotarse de recursos prácticos e efectivos para promover a igualdade, a cooperación e a resolución pacífica de conflitos dentro da comunidade educativa.

Programa socioeducativo pensado para centros que queren mellorar o clima escolar e favorecer relacións máis igualitarias e respectuosas. Diríxese a alumnado de todas as etapas, desde Infantil ata Formación Profesional, e busca fortalecer a convivencia a través do xogo, da educación emocional e de dinámicas participativas.

Nos obradoiros trabállanse cuestións tan importantes como a cohesión do grupo, a autoestima, a confianza ou a resolución pacífica de conflitos. O alumnado aprende a escoitar e a ser escoitado, a colaborar, a compartir responsabilidades e a construír relacións máis xustas. Son actividades que se poden desenvolver como intervencións puntuais para atender necesidades concretas ou como procesos máis longos, acompañando ao grupo nun camiño de cambio cara a unha auténtica cultura do bo trato.

Entre 2021 e 2025 realizamos este proxecto en numerosos centros educativos de Galicia, en mais de 20 concellos como Pontevedra, Santiago de Compostela, Ribeira, Arzúa, Santa Comba ou Brión. A experiencia demostrou que, tras estas intervencións, mellora a cohesión e o ambiente da aula, redúcense os conflitos e o alumnado gaña ferramentas para afrontar os retos da convivencia escolar.

É unha proposta especialmente indicada para institutos, colexios, ANPAS ou asociacións que queiran dotarse de recursos prácticos e efectivos para promover a igualdade, a cooperación e a resolución pacífica de conflitos dentro da comunidade educativa.