O proxecto “Encontros no tempo” desenvolveuse dentro do ProxectoTERRA cun enfoque educativo e artístico. A través da fotografía, da música e do collage, as persoas participantes exploraron e reinterpretaron espazos comunitarios que foran esquecidos, abandonados ou que perderan o seu uso orixinal.

A intervención propuxo unha mirada dende a perspectiva de xénero, promovendo unha reflexión crítica sobre a memoria dos lugares e o papel que estes teñen na construción da identidade colectiva. Ao utilizar linguaxes artísticas accesibles e expresivas, o obradoiro favoreceu o recoñecemento e a posta en valor destes espazos como parte do patrimonio social e cultural.