Igualdade

Esta liña de traballo directa e transversal empapa todo o quefacer de Feitoría Verde-Lilá. Non somos quen de imaxinar e soñar a educación ambiental, os procesos educativos e a participación se non están atravesadas por unha mirada interseccional de igualdade e equidade.

Traballamos pola transformación das sociedades sexistas, racistas e clasistas nas que vivimos para construír alternativas a través da prevención e xestión das violencias machistas. Adquirindo aprendizaxes que nos leven ao desenvolvemento do bo trato e a colocar os coidados no centro da vida, poderemos identificar as relacións de poder xerarquizadas, desiguais, e excluíntes e transformalas noutras máis xustas.